Почетен екран на апликацијата, каде што визуелно се прикажани бројот на задачи на студентот според статус и број на положени и неположени предмети според учебната година во која е слушан предметот. Листа со незавршени задачи со наслов и приоритетот на задачата и копче за додавање нова задача. Денешни часови со време на почеток на часот. Во горниот десен агол е даден бројот на нови непрочитани пораки. На овој екран има и поле за пребарување други корисници како и навигација до другите модули и можност за одјава од системот.

На овој екран во листа се прикажани сите задачи што ги има внесено корисникот. Со клик на задача десно се прикажуваат деталите за истата, поточно насловот, опис, статус (кој исто така може да се ажурира со избирање друг статус од паѓачкото мени), приоритет, датум на почеток, рок за завршување на задачата, планирано, искористено (исто така може да се ажурира со клик на бројот при што се отвора модал со поле за внесување на искористеното време) и останато време за задачата. Исто така има и копче за додавање нова задача, при клик на кое се отвора модал со полиња за внесување на податоци околу новата задача (Слика 02.jpg).

сДадени се полиња за внесување на податоци околу новата задача. Полето планирано време е пополнето автоматски односно дадено е предлог на извршување на задача како просечно време на извршување од минати задачи и според комплексноста на тие задачи, но може и да се промени.

Календар на настани. Десно се листаат настаните од денес па натаму. Со клик на настан се отвора модал за споделување каде што се избира корисник (од листата на пријатели) со кој што ќе се сподели настанот. Под оваа листа се прикажуваат настаните споделени со корисникот. Со клик на копчето Add се отвора модал за додавање нов настан.

Листа од прикачени и споделени документи. За секој документ постојат три опции: да се прегледа, да се избрише и да се сподели. Има можност за пребарување низ документите.

Распоред со предмети. Можност за отстранување предмет од распоредот (предметот се брише само од распоредот но не и од предметите). Копче за додавање предмет во распоред.

Додавање предмет во распоред. Се избира ден, време на почнување на часот, предмет (паѓачко мени со сите предмети кои што ги нема во распоредот) и просторија каде се одржува часот.

Влезно сандаче со пораки. Се листаат сите примени пораки. Во горниот лев агол има паѓачко мени каде се избира кои разговори да се прикажат (Влезно сандаче, пратени пораки и корпа со избришани разговори). А до него има копче за почнување нов разговор односно нова порака. Со клик на разговор се отвораат сите пораки што ги содржи разговорот и поле за одговор во истиот разговор. Има можност за бришење на разговор при што пораките се преместуваат во корпа од каде може да се вратат или да се избришат трајно.

Листа од предмети. Можност за сортирање на предметите по година со избирање на посакуваната година од паѓачкото мени. Со клик на предмет десно се прикажуваат детали за предметот каде што може да се ажурира оцената (со клик на истата) и да се ажурира статусот (исто така со клик на статусот). Исто така има и можност за додавање нов предмет.

Листа со пријатели на корисникот со копче за бришење од пријатели. Истата листа се прикажува и како резултат од пребарувањето (во полето Search people) со тоа што доколку корисникот го нема пребараниот корисник во пријатели има копче за да го додаде во својата листа на пријатели или во спротивно да го избрише.